— بعد وفــ,,ـــــاه أبويا، عمي مسك جزء كبير من إدارة الشركة. وأنا كنت بعيد عن الحسابات فترة. سكت لحظة. — قبل دــ,,ـــــادثتي بشهر تقريبًا، دخلت بالصدفة على ملف تحويلات قديم. — تحويلات لإيه؟ — شركات وهمية. — وقد إيه؟ قال رقم خلاني أبص له بصدمة. — حوالي 48 مليون جنيه.
قلت: — إنت متأكد؟ — آه. — وعملك كل ده علشان الفلوس؟ — الفلوس مش كل حاجة. بص ناحية باب القاعة. — فيه مستندات بأسماء ناس أكبر. — أكبر من مين؟ — رجال أعمال، مسؤولين، وسماسرة. سكت. — وأنا كنت وصلت لحاجة ماكانش المفروض أوصل لها. قلت: — طب والدــ,,ـــــادث؟ وشه اتغير.
— العربية اللي اتحطمت كانت بتاعتي. — مين كان سايقها؟ — السواق بتاعي. — وهو مات؟ هز راسه. قلبي وجعني. — وإنت كنت فين؟ — نزلت من العربية قبل الدــ,,ـــــادث بعشر دقايق. — ليه؟ — جالي اتصال. — من مين؟ — رقم مجهول. — قال إيه؟ محمود بص لي. — قال إنك في خطر. اتجمدت. — أنا؟
— آه. — وصدقت؟ — وقتها؟ آه. قرب خطوة. — كنت رايحلك. حسيت بشيء جوايا بيتكسر بطريقة مختلفة. قلت: — يعني الدــ,,ـــــادث حصل لأنك نزلت تيجي لي؟ — غالبًا. — والسواق مات مكانك؟ — للأسف. سكتنا. قلت بعدها: — وبعدين؟ — الشرطة السرية دخلت على الخط. — سرية؟
— فيه ضابط كان بيتابع الملف من فترة. — وهو اللي قالك تعمل جنازة؟ — أيوه. بصيت له بعدم تصديق. — وتخليني أصدق إنك ميت؟ قال: — كان لازم كل اللي قريب مني يصدق. — حتى أنا؟ — خصوصًا إنتِ. قرب مني، لكني رجعت.
— ما تقربش. وقف. قلت: — طب وداليا ويوسف؟ — عرفوا بعد أسبوع. ضحكت. — وأنا لأ. — مريم… — أمك عرفت؟ — من أول يوم. حسيت بغصة. — يعني أنا الوحيدة اللي كنت هبلة؟ — مش هبلة. — الوحيدة اللي كانت بتزور قبــ,,ـــــرك؟ وشه اتغير. قلت: — كنت بتابعني من بعيد، صح؟ — قلتلك آه.
— يعني شفتني وأنا بحط ورد على قبــ,,ـــــر واحد تاني؟ سكت. — شفتني وأنا بكلمك؟ — مريم… — شفتني وأنا باعتذرلك إني ماكنتش لطيفة آخر مرة اتخانقنا؟ دموعه نزلت. لكن أنا كنت غضبانة زيادة عن إني أتعاطف. قلت: — كنت عايز تحميني؟ كان ممكن تخليني أسافر. كان ممكن تبعدني بأي طريقة.
— كنتي هتدوري ورايا. — آه. — وده كان هيعرضك للخطر. — وفي الآخر أنا في الخطر برضه. سكت. الجملة أصابته. قلت: — خطتك العبقرية فشلت. محمود قال: — عشان كده لازم تتحركي معايا دلوقتي. — مش رايحة معاك في حتة. — مريم، الرسالة باسمك. — وأنا مش واثقة فيك. — فاهم. — لأ، مش فاهم. رفعت عيني له.
— أنا دلوقتي مش عارفة مين فيكم أكتر خطر عليا. اللي بيهددني… ولا اللي دفــ,,ـــــن نفسه وسابني أمــ,,ـــــوت من الحزن. داليا قربت بهدوء. — مريم. بصيت لها. قالت: — أنا عارفة إنك بتكرهيني دلوقتي. — ماعرفش أنا حاسة بإيه ناحيتك.
— بس اسمعيني دقيقة. — عندك دقيقة. خدت نفس. — يوم الدــ,,ـــــادث أنا ويوسف كنا عارفين إن فيه مشكلة في الشركة، بس ماكناش نعرف حجمها. — وبعدين؟ — بعد الدــ,,ـــــادث، محمود اختفى. — عارفة. — يوسف ساعده. — عارفة. — لكن بعد أسبوع، حصلت حاجة. سكتت. — حد دخل شقتي وأنا ويوسف مش موجودين.
Hend Abdelaziz موثّق ✦ ناشر
كاتب · مصر
كاتب وروائي رقمي، متخصص في تطوير منصات النشر الإلكتروني وهندسة البرمجيات المؤسسية، والأنظمة السحابية (Cloud Computing). مهتم بالتمويل الاستثماري، الاقتصاد الرقمي، استثمارات التكنولوجيا والذكاء الاصطناعي، الأسواق المالية …
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.